Кыргызстанда бала бакчаларга 1 жаштан тартып кабыл алуу мүмкүнчүлүгү пайда болду. Бул тууралуу Агартуу министрлигинин мектепке чейинки билим берүү башкармалыгынын башчысы Нурзида Касымова билдирди.

Анын айтымында, мамлекеттик стандартка өзгөртүүлөр киргизилген, эгер бала бакчада орун болсо, бөбөктү 1 жаштан тартып кабыл алууга мүмкүн.

Агартуу министрлиги жаңы окуу жылынан баштап бала бакчалар 1 жаштан 6 жашка чейинки балдарды камтыган жаңыланган программа менен иштей баштаарын маалымдады.