Кыргызстандын футбол боюнча улуттук курамасынын чабуулчусу Шерали Юлдашев Литванын жогорку лигасындагы «Дайнава» ДФК менен келишим түздү. Бул тууралуу Кыргызстандын футбол бирикмеси билдирди.
Аталган бирикмеден белгилешкендей, өткөн сезондо Юлдашев Швециянын «Умео» клубунда ойногон. Анда ал 19 беттешке катышып, эки гол киргизген жана бир голдук пас берген.
Юлдашев улуттук кураманын катарында алгачки ирет былтыр 24-сентябрда Орусияга каршы жолдоштук беттеште оюн ойногон. Улуттук курама үчүн бир беттеш өткөргөн.
Биздин Телеграм каналга катталыңыз
