ИИМдин Ички аскерлеринин 705 аскер бөлүгүнүн аскер кызматчысы, прапорщик Дайыр Карыяев Бишкекте өтүп жаткан самбо боюнча дүйнө чемпионатында жеңүүчү болду. Бул тууралуу аталган министрликтен билдиришти.
Дайыр Карыяев 77 кг салмакта дүйнө чемпиону болгон. Андан тышкары, кенже сержант Жамалбек Асылбек уулу 88 кг салмакта 3-орунду ээлеген.
Эскерте кетсек, самбо боюнча дүйнө чемпионаты 11-13-ноябрь күндөрү Бишкекте өтөт. Мелдеш спорттук жана күжүрмөн самбо боюнча кыз-келиндер жана эркектер арасында өтөт. Чемпионатка 50дөн ашык мамлекеттен спортчу, ошондой эле самбо боюнча дүйнө биринчилигинин тарыхында алгач ирет качкындар командасы катышат.
Биздин Телеграм каналга катталыңыз
