Азырынча бул жардыруулар үчүн жоопкерчиликти эч ким өзүнө ала элек. Талибдер кол салууга «Ислам мамлекетинин» IS-K деп аталган туунду уюмун айыптоодо.
Tolo News телеканалынын маалыматына караганда, алгачкы жардыруу госпиталдын кире беришинде, экинчиси имаратка жакын жерде болгон. Андан соң кол салгандар менен «Талибан» жоочуларынын ортосунда атышуу башталган.
Быйыл августта «Талибан» Кабулдагы бийликти басып алгандан бери «Ислам мамлекети-Хорасан» радикал уюму мечиттерде, башка жайларда бир нече жардырууларды уюштурган. Алардын эң ириси август айында Кабул аэропортундагы эл аралык эвакуация учурунда жасалган. Анда жанкечти-террорчу топтолгон адамдардын арасында жардыруу уюштуруп, жыйынтыгында дээрлик 200 киши каза болгон.
