Жакынкы аралыкта Кыргызстан вакциналарды сактоо үчүн 200 даана атайын муздаткыч жабдууларды алат. Бул тууралуу бүгүн, 3-ноябрда өткөн брифингде Саламаттык сактоо министрлигинин Республикалык иммунопрофилактика борборунун башкы адиси Азим Кыргызбаев билдирди.

Жабдуулар ЮНИСЕФтен келет. Ал Pfizer BioNTech вакцинасын -80 градус температурада 6 айдан 9 айга чейин сактоого мүмкүндүк берет.

Буга чейин Кыргызстанда Pfizer вакцинасын сактоо үчүн муздаткычтар жок болгондуктан, Кыргызстан аны алуудан баш тартууга аргасыз болгон. Октябрдын башында ЮНИСЕФ аркылуу өлкөгө 4 муздаткыч алынып келинсе, 27-октябрда 250 доза вакцинанын өзү алынып келинген.