Кыргызстанда 2026-жылдан тартып сырттан окууга кабыл алуу токтотулат. Тийиштүү жарлыкка президент кол койгонун Мамлекеттик Билим берүү жана илим агенттиги билдирди.

Ошол эле учурда документте онлайн билим берүү технологияларын колдонуу менен кесиптик орто жана жогорку билим берүүнүн базасында тездетилген программалар жана магистратурага кабыл алуу мүмкүнчүлүгү сакталаары белгиленген.

Жарлыктын максаты — билим берүү сапатын жогорулатуу жана эл аралык стандарттарга шайкеш келтирүү болуп эсептелет.