Бишкек шаарында 14-17-ноябрь күндөрү Махатма Ганди (мурдагы Муромская) жана Ахунбаев көчөлөрүнүн кесилиши убактылуу жабылат. Бул тууралуу шаардык мэрия билдирди.

Чектөөлөр аталган жерде суу түтүктөрүн тартуу жана курулуш-монтаждоо иштерине байланыштуу киргизилүүдө.

Мэрия жол кыймылынын катышуучуларын каттамдарды алдын ала пландап, башка жолдорду колдонууга жана киргизилген чектөөлөрдү эске алууга чакырат. Ошондой эле шаар тургундары менен айдоочулардан жаралган убактылуу ыңгайсыздыктар үчүн кечирим сурайт.