«Бишкек» эркин экономикалык аймагынын мурдагы директору Кудрет Тайчабаров үй камагына чыгарылды. Мындай чечимди бүгүн, 21-апрелде, Бишкектин Ленин райондук соту чыгарганын ЖМКлар жазууда.

Кудрет Тайчабаров 2025-жылдын ноябрь айында кармалган. Ага Кылмыш-жаза кодексинин “Уюшкан топко катышуу” беренеси менен айып коюлган.

Ага чейин Тайчабаров Сокулук району боюнча №19 шайлоо округунан Жогорку Кеңештин депутаттыгына талапкерлигин коюп жаткан. Ошол учурда соцтармактарда анын маркум кримтөбөл Камчы Көлбаев менен түшкөн сүрөтү тарап кеткен.

Кийин Борбордук шайлоо комиссиясы аны “уюшкан кылмыштуу тобуна тиешеси бар” деп Жогорку Кеңештин депутаттыгына талапкер катары каттоодон баш тарткан.