2026-жылдын үчүнчү чейрегинде Кыргызстанда 316 базар жана 93 соода борбору болгон. Мындай маалыматты Улуттук статистика комитети базарлардын жана соода борборлорунун ишмердиги тууралуу бюллетенинде келтирет.

Базарлардын эң көбү Ош облусунда – 71. Бишкекте 66, Джалал-Абад облусунда 65, Чүй облусунда 31, Баткен облусунда 26, Нарын облусунда 20, Ысык-Көл облусунда 13, Талас облусунда жана Ош шаарында 12ден базар бар.

316 базардын 269у күн сайын, 47си жекшемби күндөрү иштейт. Түрлөрү боюнча алар мындайча бөлүнөт:

• аралаш базарлар – 178;
• буюм-тайым базарлары – 64;
• азык-түлүк базарлары – 35;
• мал, канаттуулар жана дан тоют сатуучу базарлар – 28;
• автоунаа жана запастык бөлүктөрдү сатуучу базарлар – 11.

Өлкөнүн базарларында соода үчүн 86 344 орун бөлүнгөн, иш жүзүндө алардын 80 924үндө соода жүргөн. Орундардын көбүн жеке ишкерлер ээлейт – 60 689, дагы 19 573 орун жеке жактарга, 662 орун юридикалык жактарга туура келет.

Соода орундарынын эң көбү Бишкекте – 30 755. Чүй облусунда 13 806, Ош облусунда 9 473, Джалал-Абад облусунда 8 110 орун бар.

Базардагы бир соода ордунун орточо баасы күнүнө 208,2 сомду түздү. Эң кымбат орун Бишкекте – күнүнө 335,1 сом, Джалал-Абад облусунда – 278,1 сом, Ош шаарында – 220,8 сом. Эң төмөнкү орточо баа Ысык-Көл облусунда – күнүнө 72,7 сом.

Базарлардагы соода орундарын пайдалангандыгы үчүн жалпы жыйым чейрек ичинде 1 млрд 3,2 млн сомду түздү. Анын 656,8 млн сому Бишкекте чогулган.

Базарлар чейрек ичинде орто эсеп менен 73 күн иштеген.

93 соода борборунун 41и Бишкекте, 15и Чүй облусунда, 10у Нарын облусунда, 9у Ош шаарында жайгашкан. Соода борборлорунда 8 038 соода орду бар, алардын жалпы соода аянты – 461 972 чарчы метр.