Президент Садыр Жапаров 10-ноябрда Борбордук шайлоо комиссиясына президенттик кызматка өзүн-өзү көрсөтүү тартибинде талапкерлигин коюу тууралуу арыз берди. Бул тууралуу БШК билдирди.

10-ноябрга карата комиссияга президенттикке талапкерлигин көрсөтүү боюнча алты арыз түштү. БШКнын маалыматына ылайык, талапкерлерди көрсөтүү мөөнөтү 2026-жылдын 13-ноябрына чейин уланат.

Буга чейин өзүн-өзү көрсөтүү тууралуу арыздарды Аймен Касенов (14-октябрь), Азамат Эсенбеков (27-октябрь), жоюлган Финансы полициясынын мурдагы жетекчиси Сыймык Жапыкеев (28-октябрь) жана Акай Кыдыров (4-ноябрь) беришкен. Ошондой эле Исхак Масалиев да өзүн-өзү көрсөтүү боюнча арыз тапшырган.