Кыргызстандын Футбол биримдигинин биринчи вице-президенти Нурдин Букуев улуттук курама Орусияга каршы жолдоштук оюнун келерки жылы өткөрүүнү талкуулашы мүмкүн экенин билдирди. Бул тууралуу «Спорт-Экспресс» жазып чыкты.

«Биздин курама команда келерки жылга пландарын түзүүдө. Эгер Орусия курамасына каршы жолдоштук оюн өткөрүү маселеси күн тартибине коюлса, биз бул боюнча талкуулайбыз. Биз ОФБдин өкүлдөрү менен ар кандай маселелер боюнча үзгүлтүксүз байланыштабыз. Бирок жолдоштук оюну тууралуу маселе азыркы күн тартибинде болгон эмес. Эгер мындай маселе келип чыкса, талкуулайбыз”,- деген Букуев.