Кыргыз Республикасынын Улуттук банкынын төрагасы Мелис Тургунбаев ЭВФтин (Эл аралык валюта фондунун) Кавказ, Борбор Азия жана Монголия үчүн дараметти өнүктүрүү боюнча аймактык борборунун директору Хольгер Флеркемайер менен жолугушуу өткөрдү. Сүйлөшүүлөрдүн жүрүшүндө тараптар өз ара аракеттенүүнүн учурдагы абалын жана келечектүү багыттарын талдашты.

Талкуунун негизги темасы республиканын каржы секторун чыңдоо үчүн ЭВФ тарабынан техникалык колдоо көрсөтүү болду. Жолугушуунун катышуучулары аймактык борбордун ишмердүүлүгүнүн алкагында эксперттик программаларды ишке ашыруу механизмдерин кеңири карап чыгышты.

Тараптар Улуттук банктын институционалдык дараметин өнүктүрүүгө өзгөчө көңүл бурушту. Каржылык жөнгө салуучу органдын кызматкерлеринин квалификациясын жогорулатуу үчүн атайын окутуучу семинарларды жана билим берүү иш-чараларын уюштуруу боюнча биргелешкен ишти активдештирүү жөнүндө макулдашууга жетишилди. Жолугушуунун жыйынтыгында макроэкономикалык туруктуулукту камсыздоо кызыкчылыгында өнөктөштүктү мындан ары тереңдетүүгө даярдык тастыкталды.