Бүгүн, 15-сентябрда, Жалал-Абад облусунун Манас шаарында «Акылман» президенттик лицейи ачылды. Ачылыш аземге Министрлер кабинетинин төрагасы Адылбек Касымалиев, Агартуу министри Догдуркүл Кендирбаева катышты.

Жаңы лицей 410 окуучуга ылайыкталган. Лицейдин имаратында 35 класс, профилдик лабораториялар, спорт залы, бассейн, жыйындар залы жана спорт аянтчасы жайгашкан.

Быйылкы окуу жылында лицейге үч баскычтуу сынактын негизинде 7–8-класстарга 144 окуучу кабыл алынган.

Адылбек Касымалиев окуу корпустарын кыдырып, мугалимдер жана окуучулар менен жолуккан. Ал президенттин тапшырмасына ылайык, аталган лицейдин бүтүрүүчүлөрү жогорку билим алгандан кийин ишке орношууда артыкчылыкка ээ болорун маалымдаган.