Кыргызстандын финансы сектору тогуз айда 37 миллиард сом пайда тапты

20.11.2026 | 14:10
Кыргызстандын финансы сектору тогуз айда 37 миллиард сом пайда тапты — Новости Кыргызстана

Кыргызстандын финансылык сектору ишканаларынын 2026-жылдын январь-сентябрындагы сальдолоштурулган финансылык жыйынтыгы (пайдадан чыгаша кемитилген) 37,0 миллиард сомду түздү. Бул тууралуу Улутстаткомдун статистикалык бюллетенинде айтылат.

Секторго 494 ишкана киргизилген: 29 коммерциялык банк, 20 камсыздандыруу компаниясы жана 445 кредиттик уюм. Банктарга 30,1 миллиард сом, кредиттик уюмдарга 6,2 миллиард сом, камсыздандыруу компанияларына 697,5 миллион сом туура келди.

Пайда алган 311 ишкананын пайдасы 37,6 миллиард сомду, чыгаша тарткан 80 ишкананын чыгашасы 554,9 миллион сомду түздү. 103 ишканада финансылык жыйынтык нөлгө барабар. Банктардын 24ү пайда алып, төртөө чыгаша тартты.

Сектордун дүң кирешеси 183,9 миллиард сом, чыгымдары 147,2 миллиард сом болду.

Теги: финансы
Scroll to Top