Кыргызстандын Министрлер Кабинети жана Дүйнөлүк банк тарабынан уюштурулган Бишкектеги форумда сөз сүйлөп, Дүйнөлүк банктын экономисти Лоран Боссави Кыргызстанга миграция агымын диверсификациялоону экономика үчүн тобокелдиктерди азайтуу чараларынын бири катары сунуштады.
«Мигранттар өз өлкөсүндөгү ишчилерге караганда аялуураак. Алар биринчи жумуштан бошотулат. Алардын укуктары да, социалдык коргоо программаларына жетүү мүмкүнчүлүгү да чектелген. Мигранттар өз мекенине аргасыз кайтып келгенден кийин да абдан кыйын. Биринчиден, алар өз максаттарына жете элек, экинчиден, Кыргызстанда эч кандай жумушу жок”, — дейт Лоран Боссави.
Анын айтымында, Кыргызстандан келген мигранттардын дээрлик бардыгы Орусияда болгондуктан, ал жактагы ар кандай соккулар Кыргызстандын экономикасына катуу таасирин тийгизип жатканы көйгөйдү курчутат.
«Биз бир нече сунуштарды бердик. Алардын бири — мигранттардын бейформалдыгын азайтуу. Кээде бул айтканга караганда оңой. Бирок потенциалдуу түрдө окутуу программаларын уюштуруп, мигранттарды Орусияга эле эмес, башка өлкөлөргө да жөнөтсө болот», — деп белгиледи экономист.
