Каракол шаарынын Пристань конушунда Ысык-Көл көлүнө канализация суулары куюлуп жатканы айтылып, соцтармактарга тараган видео боюнча Жаратылыш ресурстары, экология жана техникалык көзөмөл министрлиги комментарий берди.

Министрлик бул боюнча Экологиялык жана техникалык көзөмөл кызматы текшерүү жүргүзгөн. Анда аталган аймакта балык чарбасынын курулушу жүрүп жатканы аныкталган. Жерди казуу учурунда чуңкурга жер астындагы суулар топтолгон. Курулуш аймагын бошотуу максатында бул табигый сууларды насос менен сордурулуп, көлгө агызылган.

Мекеме билдиргендей, текшерүүнүн жыйынтыгында көлгө өндүрүштүк же турмуш-тиричилик саркынды суулары төгүлүп жатат деген маалымат жеринде тастыкталган эмес.

Посмотреть эту публикацию в Instagram

Публикация от Reporter.kg (@reporter_kg)