Ош шаарына 3-ноябрдан 4-ноябрга караган түндөн тарта жылуулук берилет. бул тууралуу шаар мэриясы билдирди.

Маалыматка ылайык, мындай чечим бүгүн, 3-ноябрда, аба ырайынын кескин төмөндөшү күтүлүп жаткандыгына байланыштуу кабыл алынып, тиешелүү тармактарга тапшырмалар берилген.

Жылуулук этап-этабы менен берилип, 3–4 күндүн ичинде толук жеткирилет. Алгач ооруканаларга, бала бакчаларга, мектептерге, төрөт үйлөрүнө жана социалдык коргоо мекемелерине берилет. Андан кийин турак жайлар менен мекеме-ишканалар жылуулук менен камсыздалат.