5-октябрь — Ош шаарынын күнүнө карата «Төлөйкөн» ат майданында ат чабыш боюнча шаар мэринин кубогу өткөрүлөт. Бул тууралуу калаа мэриясы билдирди.

Мелдеште байгелер төмөнкү аралыктар боюнча ойнотулат:

Батакур чабыш – 6 миң метр аралык:

• 1-орунга 50 миң сом;
• 2-орунга 30 миң сом;
• 3-орунга 10 миң сом.

Кунан чабыш – 12 миң метр аралык:

• 1-орунга автоунаа;
• 2-орунга 100 миң сом;
• 3-орунга 50 миң сом.

Аламан чабыш – 25 миң метр аралык:

• 1-орунга автоунаа;
• 2-орунга 150 миң сом;
• 3-орунга 80 миң сом.

Мындан тышкары, шаар күнүн белгилөөнүн алкагында 2-октябрдан 5-октябрга чейин Ош облусунун райондору арасында көк бөрү боюнча мелдештер өтөт.