Ош облусунун Кара-Суу районунда каракчылыкка шектелген жарандар кармалды. Бул тууралуу облустук милициядан билдиришти.

Маалыматка караганда, 31-августта милицияга Жийделик айылынын тургуну кайрылган. Ал арызында билдиргендей, 31-августка караган түнү болжол менен саат 00:10до үйүнө бейтааныш “Рахатай” аттуу аял жана эркек киши келип, ур-токмокко алып, 19 миң сом акчасын жана үй тиричилик буюмдарын алып кеткен.

Бул фактыга байланыштуу Кылмыш-жаза кодексинин 207-беренеси (каракчылык) боюнча кылмыш иши козголгон.

Ыкчам-тергөө иштеринин натыйжасында 2-сентябрда шектүү катары 33 жаштагы Р.Д. жана 29 жаштагы С.Д. аттуу жарандар кармалып, камакка алынган.

Учурда тергөө иштери улантылууда.

Биздин Телеграм каналга катталыңыз