Кыргызстандын вице-премьеринин мурдагы кеңешчиси алдамчылык иши боюнча камакка алындыТатьяна Ким 20 жыл иштегенден кийин Wildberries башчысы кызматынан кетти — эмнелер белгилүүБанктар сентябрда курулушка 12,3 миллиард сомдук насыя бердиАмирдин өлүмү. Бишкекте Кризистик кырдаалдарды башкаруу борборунун мурдагы башчысы камакка алынды1,5 миң сомдук аңчылык күбөлүгү: Кыргызстанда жаңы эрежелер иштелип чыктыБанктар сентябрда 63,4 миллиард сомдук жаңы насыя берди
Татьяна Ким 20 жыл иштегенден кийин Wildberries башчысы кызматынан кетти — эмнелер белгилүү
21.11.2026 | 16:56

Wildberries компаниясынын негиздөөчүсү Татьяна Ким «Вайлдберриз» ЖЧКсынын башкы директору катары көрсөтүлбөй калганы Орусиянын Юридикалык жактардын бирдиктүү мамлекеттик реестринин (ЕГРЮЛ) маалыматтарынан белгилүү болду.
ЖМКлар билдиргендей, 2026-жылдын 20-ноябрына карата «Вайлдберриз» ЖЧКсынын жетекчиси болуп Алексей Куликов көрсөтүлгөн. Ал компаниянын атынан ишеним катсыз иш алып баруу укугуна ээ болду. Ошол эле учурда Татьяна Ким реестрде юридикалык жактын уюштуруучусу катары да көрсөтүлбөй калды.
Кадрдык өзгөрүүлөрдүн себептери азырынча белгисиз. Wildberries тарабынан расмий билдирүүлөр түшкөн жок. Кимдин өзү да кызматтан кетиши тууралуу маалыматка комментарий берген жок.
Белгилей кетсек, 16-ноябрда Европа Биримдиги Татьяна Кимге каршы жеке санкцияларды киргизген. Анда компания чектөөлөр маркетплейстин жана топтун башка сервистеринин ишине таасир этпей турганын билдирген.
Мындан тышкары, 19-ноябрда бириккен Wildberries жана Russ (RWB) компаниясынын ээлеринин курамындагы өзгөрүүлөр тууралуу белгилүү болду.
Үлүштөрдү кайра бөлүштүрүүнүн натыйжасында «Вайлдберриз» ЖЧКсынын катышуусу 65%дан 45%га чейин, ал эми Russ түзүмдөрүнүкү 35%дан 25%га чейин кыскарды. Дагы 30%ды эки жабык пайлык инвестициялык фонд — «Томь» жана «Гало» алды.
RWBдин басма сөз кызматы өзгөрүүлөрдү активдерди оптималдаштыруу жана бизнес катышуучуларынын ортосунда жоопкерчиликти бөлүштүрүүнү кайра карап чыгуу менен түшүндүрдү.
Рубрики: Жаңылыктар, Коом
Теги: Орусия