Жалал-Абад шаарынын Барпы-Сейил көчөсүндөгү (Токтогул бакчасынын тушу) 100дөн ашуун турак жай, имараттар буздурулат. Бул тууралуу аталган шаардын мэриясы кабарлады.

Маалыматка ылайык, буздурулган объектилердин ордуна көп кабаттуу ипотекалык турак жайлар курулат.

“Мындагы менчик ээлерине өздөрүнүн имараттарына караганда 20-30 м²тан көбүрөөк аянтты ээлеген батирлер берилди. Учурда жашоочулар жаңы батирлерине көчүп, имараттарын буза баштады”,- деп билдирди шаар мэриясы.