Иран Бахрейнге сокку урду: АКШга кандай сигнал берди — саясат таануучу КожемякинКыргызстан менен Дүйнөлүк банк 95,75 миллион долларлык макулдашууга кол койду Ипподром жана көк бөрү аренасы: Бишкектин четинде ири спорт комплекси курулуудаИран Бахрейндеги америкалык базаларга чабуул жасады: ушул саатка карата эмнелер белгилүүБанктар сом менен чет элдик валютага караганда 700% көп насыя беришти Бишкекте Гоголь көчөсүн реконструкциялоо аяктады
Зомбулуктан жана адам сатуудан жабыркагандар үчүн «5200» ыкчам линиясы ишке кирди
28.01.2026 | 17:00

Үй-бүлөлүк зомбулукка жана адам сатуу факытларына кабылган жарандарга жардам көрсөтүү үчүн «5200» ыкчам линиясы ишке кирди. Бул тууралуу Эмгек, социалдык камсыздоо жана миграция министрлиги билдирди.
«5200» ыкчам линиясы күнү-түнү иштейт. Ага чалган ар бир жаран акысыз жана анонимдүү түрдө жардам ала алат.
Линияда атайын даярдыктан өткөн психологдор жана консультанттар психологиялык колдоо көрсөтүп, кризистик кырдаалдар боюнча кеңеш беришет. Кызмат Кыргызстандын аймагындагы бардык мобилдик операторлор аркылуу 24 саат бою жеткиликтүү.
Ыкчам линия аркылуу төмөнкү жардамдар көрсөтүлөт:
- Зомбулуктун жана эксплуатациянын курмандыктарына психологиялык колдоо көрсөтүү;
- Жабыркагандардын укуктарын коргоо жана мамлекеттик кызматтар тууралуу маалымат берүү;
- Коопсуз жайга (кризистик борборлорго), медициналык жана юридикалык жардамга кайрылуу жолдору боюнча кеңеш берүү;
- Зомбулукка күбө болгондорго жана жабыркагандардын жакындарына колдоо көрсөтүү.
Рубрики: Жаңылыктар, Коом