«Билим берүү жөнүндө» мыйзамга ылайык, 2026-жылдан баштап орто кесиптик билим берүү окуу жайларына (колледждерге) кабыл алуу тартиби өзгөрөт. Бул тууралуу Агартуу министрлиги эскертти.

Ага ылайык, 11-классты бүтүргөн абитуриенттерди коллеждердин гранттык жана контракттык орундарына кабыл алуу Жалпы республикалык тесттин (ЖРТ) жыйынтыгы боюнча ишке ашырылат. Буга чейин ЖРТнын жыйынтыгы жогорку окуу жайларына кабыл алууда гана талап кылынып келген.

Ал эми 9-класстын бүтүрүүчүлөрү коллеждерге өтүү үчүн ЖРТ тапшырбайт.

Быйыл Жалпы республикалык тест 16-майдан 23-майга чейин өткөрүлөт. Тестке кирүү үчүн жашы 16дан жогору болгон абитуриенттерде паспорттун түп нускасы болушу шарт.