Кыргыз-Венгер өнүктүрүү фонду түзүлдү. Бул боюнча Экономика жана коммерция министрлигинин басма сөз кызматы билдирди.
Маалымат боюнча, Кыргыз-Венгер өнүктүрүү фондунун ачылыш аземи өттү. Фонддун баштапкы капиталы 16 млн. долларды түзөт. Келечекте 50 млн. долларга жеткирүү пландалууда.
Фонддун директорлор кеңеши 5 адамдан турат. Кыргыз тараптан 3 өкүл, венгер тараптан 2 өкүл. Фонддун штаб-квартирасы Бишкек шаарында жайгашып, ал үчүн имарат даярдалды.
Ачылуу аземине эки өлкөнүн өкмөт өкүлдөрү катышты.
Максаты инвестицияларды тартуу жана инвестициялык долбоорлорду ишке ашыруу.
