Баткен облусунун Кадамжай районунда жол кырсыгынан бир киши каза болду.

Өзгөчө кырдаалдар министрлигинин маалыматына ылайык, Кадамжай районунун Ноогардан айылында Ош-Баткен-Исфана жолунун 147-чакырымында жол кырсыгы катталгангандыгы тууралуу түнкү саат 22:34тө маалымдашкан. Куткаруу иштерине №76 ӨКБ нөн 1 бөлүм, 4 куткаруучу АСМ унаасы менен тартылган.

Такталган маалыматка караганда, “Ауди” жана “Мерседес Бенц” үлгүсүндөгү 2 авто унаа кагылышып, жүргүнчүлөр жабыр тарткан. Ал эми 1955-жылы туулган Ф. Ы. аттуу аял киши окуя болгон жерде каза болгон. Куткаруучулар тарабынан унаадан чыгарылып, ИИМ кызматкерлерине өткөрүлүп берилген.

Ал эми жол кырсыгынан жабыр тарткан төрт жаран Кадамжай райондук ооруканасына жеткирилген.