Ош шаарында адам өлтүрүүгө шектүү кармалды. Бул тууралуу Ош ШИИБдин МККБнын басма сөз кызматы билдирди.
Маалыматка караганда, Ош шаарынын Н.Исанов көчөсүнүн 30 жаштагы тургуну Д.И. миздүү нерседен жараат алып, каза болгон. Аны өлтүрүүгө шектелип 28 жаштагы жаран Ж.Э кармалды.
1992-жылы туулган Д.И миздүү нерседен улам жараат алып, каза болуп калганы боюнча «102» кызматына дарыгерлер кабарлашкан.
Кылмыштын изи сууй электе кайгуул кызматкерлери бул кылмышка шектүү катары Кара-Суу районунун 1994-жылы туулган тургуну Ж.Э. кармалып, тергөө кызматына өткөрүп беришкен.
