Ормонов Жапарбек Туратович Чолпон-Ата шаарынын мэри болуп дайындалды. Тиешелүү буйрукка Ысык-Көл районунун акими Калыбек Жумадылов кол койду.
Акимдин башка буйругу менен Бердибек Иманбеков Чолпон-Ата шаарынын мэри кызматынан бошотулду.
Жапарбек Ормонов 1973-жылы 23-апрелде Ош облусунун Кара-Суу районундагы Лангар айылында туулган. Жогорку билимдүү.
1997-жылы Ош технологиялык университетин «жүк ташууну уюштуруу жана транспортту башкаруу» адистиги боюнча билим алган. Экономика илимдеринин кандидаты.
Ал буга чейин 2014-2015-жылдары Ош шаарынын вице-мэри, 2016-жылы Ош шаардык кеңештин төрагасы кызматын аркалаган.
Бардык жаңылыктар Телеграм каналда
