Баткен облусунун Булак-Башы тилкесинде өрт чыкты. Бул тууралуу ӨКМдин басма сөз кызматы 14-сентябрда билдирди.
Маалыматка караганда, Кара-Булак айыл өкмөтүнүн Кык жайлоосунда Булак-Башы тилкесинде куураган чөптөн өрт чыккандыгы тууралуу маалымат түшкөн. Өрттү өчүрүүгө саат 13:50дө Баткен шаардык №26 бөлүмүнөн 10 куткаруучу тартылган.
Буга чейин Чек ара кызматы 14-сентябрда кыргыз-тажик чек арасындагы Булак-Башы тилкесинде ок атышуу болгонун, анын кесепетинен Кыргызстандык эки жоокер жарадар болгонун билдирген.
Андан соң саат 14:00 чамасында Как-Сай жергесиндеги кайрадан ок атышуу болуп, ал токтогон. Ал эми саат 15:08ге карата кыргыз-тажик чек арасынын Баткен районунун Паскы-Арык тилкесинде кайрадан ок атышуу башталганын Чек ара кызматы билдирди.
Биздин Телеграм каналга катталыңыз
