Кыргызстандын жиу-житсу боюнча улуттук курама командасы Бириккен Араб Эмираттарынын борбору Абу-Дабиде өткөн Дүйнө чемпионатында беш медаль жеңди. Бул тууралуу Дене тарбия жана спорт департаментинен билдиришти.

Медалдардын экөө күмүш болсо, үчөө коло байге. 85 кг салмакта Иса Ахмедов жана пара жиу-житсу боюнча 77 кг салмакта Азат Бакиров күмүш байгеге татыган.

Ал эми 56 кг салмакта Жылдызбек Абылов, 50 кг салмакта Нуртилек Сатыбалдиев жана 46 кг салмакта Абдулла Рахманов 3-орунду ээлеген.

Белгилей кетсек, Дүйнө чемпионаты 29-октябрдан 8-ноябрга чейин Абу-Дабиде өткөн.

[image_carousel source=”media: 164420,164421,164422,164423″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз