Жалал-Абад облустук ички иштер башкармалыгынын башчысынын орун басары менен тергөөчүсү пара алып жаткан жеринен кармалышты. Бул тууралуу Улуттук коопсуздук боюнча мамлекеттик комитет (УКМК) билдирди.

Маалыматка ылайык, алар текшерүүнү токтотуу жана кылмыш ишин козгоодон баш тартуу үчүн жарандан 2 миң доллар талап кылышкан.

15-апрелде орун басар менен тергөөчү милициянын имаратында 170 миң сом алып жаткан учурда кармалышкан. Учурда алар УКМКнын убактылуу кармоочу жайына киргизилди. Тергөө иштери жүрүп жатат.