Баткен облусунун Сүлүктү шаарында «Сүлүктү Жеткинчек» бала бакчасы ачылды. Бул тууралуу парламенттин басма сөз кызматы билдирди.

Маалыматка караганда, бала бакча Жогорку Кеңештин депутаты Миргүл Темирбаеванын демилгеси менен ачылган. Ошондой эле иш-чарага депутат Чыңгыз Ажибаев, Лейлек районунун акими Алмазбек Раманкулов, Сүлүктү шаарынын мэри Максат Кадыркулов катышты.

«Сүлүктү Жеткинчек» 60 орундуу ясли бакчасында 21 кызматкер эмгектенет. Бюджеттин эсебинен ашкана, кир жуучу жай, музыкалык зал, усулдук бөлмө, медициналык кабинет, директордун кабинети курулду.

Мындан тышкары, депутат Миргүл Темирбаева чек ара аймагында жабыр тарткан балдар үчүн уюштурулган жаңы жылдык балатыга да катышып, балдарга китептерди белек катары тапшырды.

Биздин Телеграм каналга катталыңыз