Президент Садыр Жапаровдун Венгрияга болгон иш сапары аяктады. Бул тууралуу президенттин маалымат кызматы билдирди.

Белгилүү болгондой, Жапаров 20-августта Венгриянын премьер-министри Виктор Орбандын чакыруусу менен Будапештке барган.

Сапардын алкагында Садыр Жапаров Виктор Орбан менен эки тараптуу сүйлөшүүлөрдү жүргүзүп, кыргыз-венгер стратегиялык өнөктөштүгүнүн актуалдуу маселелерин, соода-экономикалык жана маданий-гуманитардык чөйрөлөрдө кызматташууну тереңдетүүнү талкуулаган.

Ошондой эле Жапаров ардактуу конок катары чет өлкөлөрдүн башка лидерлери менен бирге Венгриянын Улуттук башкы майрамын белгилөө иш-чараларына жана Будапешт шаарындагы Улуттук атлетикалык борбордо жеңил атлетика боюнча дүйнө чемпионатынын эркектер арасындагы жарышынын финалына катышкан.

Президенттин Венгрияга болгон иш сапары аяктап, 21-августта Бишкекке кайтып келди.

[image_carousel source=”media: 196246,196245,196244,196243″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналга катталыңыз