27-апрелде Бишкекке Россиянын коргоо министри Андрей Белоусов расмий сапар менен келди. Бул тууралуу Кыргызстандын Коргоо министрлигинин басма сөз кызматы билдирди.

Маалыматка ылайык, россиялык министрди аэропорттон КР Куралдуу Күчтөрүнүн Абадан кол салуудан коргоо аскерлеринин командачысы Талантбек Талипов тосуп алды.

Сапардын алкагында Белоусов Шанхай кызматташтык уюмуна (ШКУ) мүчө мамлекеттердин коргоо министрлеринин кеңешмесине катышары такталды.