43 жыл абакта отурган АКШнын Флорида штатынын эки тургуну актылып чыкты. Бул тууралуу The Black Detour басылмасына таянып iz.ru жазды.

Клиффорд Уильямс жана анын жээни Нэтен Мейерске 1976 жылы кошунасын өлтүргөн деген айып тагылып  абакка кесилишкен. 2019-жылы алардын күнөөсүз абакка кесилгени аныкталып, акталып чыгышкан.

Штаттын мыйзамына ылайык, күнөөсүз абакка кесилгендерге ар бир жылы үчүн мамлекет тарабынан 50 миң доллар компенсация төлөнүүгө тийиш. Бирок компенсация ала турган адам мурда соттолбошу керек. Ушул жылдын январь айында Клиффорд Уильямстын мурда да сот жообуна тартылгандыгы аныкталып, ага компенсация берилген эмес.  Анын жээни Нэтен Мейерс күнөөсүз абакта отурган ар жылы үчүн 50 миң доллар алмай болгон.