Жалал-Абад облусунда дайынсыз болуп жаткан 21 жаштагы Сузак районунун тургуну Адилет Кадырбек уулу изделүүдө. Бул тууралуу облустук милициядан билдиришти.
Маалыматка караганда, Адилет Кадырбек уулу Сузактын Мазар-Булак айылынын тургуну болот. Ал 4-ноябрь күнү Соку-Таш айылындагы таенесинин үйүнөн чыгып кеткен бойдон дайынсыз болууда.
Учурда Адилет Кадырбек уулу жүргөн жерин аныктоого мүмкүнчүлүк болбой жаткандыктан, туугандары жана милиция аны табууга коомчулуктан жардам сурайт.
Белгилери: Бою 170-175 см, ак жуумал, көзү кара, чачы кара, кыска, орто дене түзүлүштө.
Кийген кийими: Үстүндө кара түстөгү спорттук кийим, кара түстөгү спорттук шым, бутунда көк түстөгү спорттук кийим.
Өзгөчө белгилери: Угат, бирок сүйлөй албайт.
Милиция дайынсыз болуп жаткан Адилет Кадырбек уулуну көргөндөр болсо же кандайдыр бир маалымат бар жарандарды 102, (03748) 5 02 09, 0995 77 02 12 же 0771 77 02 12 номерине кабар берүүсүн суранат.
