Баткендин Лейлек районунда курулуш материалдарын чыгарган муниципалдык ишкана ишке кирди. Бул тууралуу президенттин Баткен облусундагы ыйгарым укуктуу өкүлүнүн басма сөз кызматы билдирди.

Ишкана Ак-Суу айыл аймагынын Жеңиш айылында жайгашкан. Аны ачуу үчүн Баткенди өнүктүрүүгө бөлүнгөн 500 млн сом акчадан 5 млн сом жана Ак-Суу айыл өкмөтү тарабынан 2 млн 400 миң сом жумшалган.

Учурда керектүү жабдуулар орнотулуп, ишканада пескоблок, брусчатка, шакектер (кольцо), суу ноолору, электр мамычалар чыгарылууда. Бул ишкана Ак-Суу суусунун жээгинде жайгашкандыктан, жумушчулар керектүү кум-шагылды аталган дарыядан алып колдонот.

Ишканада 8 киши иштейт.

[image_carousel source=”media: 201803,201804,201805,201806,201807″ limit=”20″ slides_style=”default” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]

Биздин Телеграм каналыбызга катталыңыз