Улуттук онкология жана гематология борборунун дарыгери бейтаптардан акча талап кылууга шектелип кармалды. Бул тууралуу УКМКдан билдиришти.
Атайын кызматтын маалыматы боюнча, шектүү катары 36 жаштагы С.М. аттуу дарыгер кармалган. Ал онкологиялык ооруга чалдыккан бейтаптардан операция жасатуу, акысыз медициналык кызматтарды көрсөтүү үчүн, ошондой эле акы төлөнүүчү кызматтардан түшкөн каражатты каттоого албай, квитанция бербестен 2 миңден 20 миң сомго чейин акча алып жүргөн.
Анын иш бөлмөсүн тинтүү учурунда бейтаптардан алган 119 миң сом жана 100 доллар табылып алынган.
Учурда аталган ишке тиешеси бар адамдарды аныктоо иштери жүрүүдө.
