Баткен облусунда маркасы жок дизелдик майын саткан автомай куюучу станция аныкталды. Бул тууралуу Салык кызматы билдирди.
Маалыматта айтылгандай, аталган жайда маркасы жок дизелдин көлөмү 12 миң 689 тоннаны түзгөн. Ал эми жалпы суммасы 946 миң 599 сомду түзгөн.
Бул факты боюнча тиешелүү актылар түзүлгөн.
Салык кызматы маркасы жок отунду сатуу Кыргызстандын мыйзамдарынын талаптарын бузуу болуп саналаарын эскертти.
«Милдеттүү маркасы жок күйүүчү-майлоочу майларды сатуу административдик гана эмес, кылмыш жоопкерчилигине да алып келиши мүмкүн»,- деп айтылат маалыматта.
