Бүгүн Бишкекте жер астындагы “Old Bishkek” көп функционалдуу комплексинин курулушунун мезгил кутусун салуу аземи өттү. Иш-чарага калаа мэри Айбек Жунушалиев, “Ташболот Холдинг” ЖЧКсынын директору Назгүл Түлеева жана шаар тургундары катышты.

Маалым болгондой, долбоордун наркы 2 млрд сомду түзүп, жеке инвестициялардын негизинде “Ташболот Холдинг” жана “Олд Бишкек” компаниялары тарабынан ишке ашырылууда. Мэрия объектти 49 жылга ижарага берет.

Комплексте 220 унаага ылайыкталган жер астындагы токтоочу жай, жөө жүргүнчүлөр зонасы, 16 лифт, 12 эскалатор жана заманбап инженердик системалар каралган. Архитектуралык чечим тарыхый жана заманбап стилдерди айкалыштырат.

Курулуш эки жыл ичинде толук бүткөрүлөт. Жолдор 6-8 айда иретке келтирилип, иш уланат.