25-августта Кыргыз Республикасына болгон расмий сапардын алкагында Тажикстандын биринчи вице-премьер-министри Холикзода Хаким Хикматулло борбордогу эң ири инвестициялык жана курулуш долбоорлорунун бири – Royal Central Park менен таанышты.

vesti.kg маалымдагандай, делегацияга мурдагы ат майданында жайгашкан аймакты комплекстүү өнүктүрүү концепциясы көрсөтүлдү. Ага турак жай кварталдары, коомдук мейкиндиктер, социалдык инфраструктура жана жашыл аймактар кирет. Долбоор «all-in-one» заманбап модели катары ишке ашырылып, шаардыктардын жашоосу үчүн ыңгайлуулукту, туруктуу технологияларды жана Бишкектин шаардык чөйрөсүн өнүктүрүүгө олуттуу салымды айкалыштырат.

Royal Central Park Бишкектин так борборундагы 53,5 гектар аянтта жайгашкан. Долбоорго RCA Living компаниясы инвестиция салган, ал эми долбоорду дүйнөлүк деңгээлдеги урбанистика жана архитектура боюнча лидер болгон жапондук Nikken Sekkei фирмасы иштеп чыккан.

Пландыралып жаткан иштердин ичинде дээрлик 11 гектардык борбордук паркка жана шаардагы эң ири жасалма көлгө караган 24 миңден ашык батирлердин курулушу бар. Жашоочулар 78 590 чарчы метрлик соода борбору, эл аралык деңгээлдеги мектеп жана заманбап клиникалар тармагын камтыган эксклюзивдүү инфраструктурага ээ болушат.

Тажикстан делегациясы долбоордун масштабына жана анын заманбап өнүгүү ыкмасына жогору баа берип, ал аймактагы шаарлардын туруктуу өсүшү үчүн маанилүү экенин белгиледи жана бул тажрыйбаны өз өлкөсүндө да колдонууга кызыкдар экенин билдирди.