Бишкектеги жогорку окуу жайлардын студенттери 15-сентябрга чейин аралыктан окуйт. Бул маалыматты Илим, жогорку билим берүү жана инновациялар министрлиги тастыктады.

Бирок министрлик онлайн окутуунун себебин тактаган жок, кеңири маалымат кийинчерээк берилери айтылды.

Мунун алдында социалдык тармактарда ЖОЖ жетекчилеринин тобуна жөнөтүлгөн маалымдама тараган. Анда тиешелүү тапшырма Министрлер Кабинетинен берилгендиги көрсөтүлгөн.