Кечээ интернетке тараган видеодо Бишкектеги №212 автобустун ичинде аялдар мушташып кеткен. Видеодо көрүнгөндөй, анда бири экинчисин чачтан тартып чаап жиберген. Мындан улам жабырлануучу эсин жоготкон.

Ленин РИИБден билдиришкендей, окуя кечээ кечинде болгон. Милицияга жабыркаган келиндин байкеси арыз менен кайрылган. Жабырлануучу учурда ооруканада экени кабарланды.

Кылмышка шектелген 20 жаштагы келин да кош бойлуу экени жана анын кичинекей баласы бар экени белгилүү болду.

Учурда тергөө иштери жүрүүдө.