Монополияга каршы жөнгө салуу кызматы Кара-Кече көмүр кенинен көмүрдүн тоннасы быйыл 2 460 сомдон жүктөлөөрүн расмий түрдө бекитти. Бул бекитилген баа карьерден сатылчу көмүрдүн базалык наркы болуп саналат. Андан сырткары, көмүрдү кардарга жеткирүү үчүн жол жана башка логистикалык чыгымдар кошулуп, акыркы сатык баасы аныкталат.

Эске салсак, өткөн жылы Кара-Кече карьеринен көмүрдүн тоннасы 2 260 сомдон сатылган, ал эми 2023-жылы бул көрсөткүч 1 740 сомду түзгөн. Демек, акыркы эки жылда көмүрдүн базалык баасы кескин жогорулаган.

Баанын өсүшү бир нече факторлор менен түшүндүрүлөт. Алардын ичинде көмүрдү өндүрүү жана иштетүү чыгымдарынын көбөйүшү, транспорттук чыгымдардын өсүшү жана дүйнөлүк энергетикалык рыногдогу өзгөрүүлөр бар. Кыргызстанда көмүр экономика үчүн маанилүү ресурстардан болгондуктан, анын баасы тургундардын жана ишканалардын кызыкчылыгына түздөн-түз таасир этет.

Монополияга каршы жөнгө салуу кызматы көмүр рыногундагы бааларды көзөмөлдөп, баанын негизсиз кымбатташына жол бербөө максатында мындай ченемдерди бекитет. Бул аркылуу мамлекет көмүрдүн жеткиликтүүлүгүн камсыздап, кардарлардын кызыкчылыгын коргоого умтулат.