.svg){kind=logo}
Кыргызстандын банктарындагы юридикалык жактардын аманаттары бир айда дээрлик 6 эсеге кыскардыБишкек абанын булганышы боюнча 22-орунду ээледиАлдамчылыкка шектелип, издөөдө жүргөн жаран Вьетнамдан Бишкекке алынып келиндиКыргызстанда 250 бала фостердик үй-бүлөдө тарбиялануудаАялын атып өлтүрүүгө шектелип жаткан мурдагы милиция кызматкерине карата иликтөөнү эми УКМК жүргүзөтПрезидент тышкы карызды төлөө боюнча Финансы министрлигинин божомолунан эки эсе ашкан суммаларды атады
Өткөн жумада Кыргызстанда 24 миңден ашык жол эрежесин бузган учур катталды
20.10.2025 | 11:41
Өткөн жума ичинде Кыргызстанда жол кыймылынын коопсуздугу боюнча 24 миңден ашуун эреже бузуу катталды. Бул тууралуу ИИМдин Жол кыймылынын коопсуздугун камсыздоо башкы башкармалыгынын (ЖКККББ) басма сөз кызматы билдирди.
Маалыматка караганда, 13–19-октябрь күндөрү автоинспекторлор тарабынан 24 миң 566 жол эрежелерин бузуу фактылары аныкталган.
Анын ичинде:
- 1 миң 642 протокол — тийиштүү документтери жок унаа айдаган айдоочуларга;
- 284 айдоочу — мас абалында унаа башкарганы үчүн токтотулган;
- 232 протокол — унаанын айнегин мыйзамсыз караңгылаткандарга;
- 220 айдоочу — жөө жүргүнчүлөрдүн катышуусундагы эрежени бузуу боюнча;
- 3 миң 438 протокол — унааны туура эмес пайдаланганы үчүн;
- 35 айдоочу — авто ээнбаштык үчүн;
- 4 миң 9 айдоочу — ылдамдык чектөөсүн бузганы үчүн;
- 14 протокол — жасалма мамлекеттик номур менен жүргөндөргө;
- 11 миң 939 протокол — башка жол эрежесин бузуу фактылары боюнча түзүлгөн.
Мындан тышкары, өткөн жумада 2 миң 753 унаа айып токтотмо жайына коюлган.
ЖКККББ айдоочулар менен жөө жүргүнчүлөрдү жол кыймылынын эрежелерин так сактоого чакырды.
