2026-жылдын январь-март айларына карата өлкөдө инвестициялардын жалпы көлөмү 77 млрд 319 млн сомду түздү. Бул көрсөткүч өткөн жылдын ушул мезгилине салыштырмалуу 25,5%га көп. Бул тууралуу Инвестициялар боюнча улуттук агенттик билдирди.

Маалыматка ылайык, ички инвестициялардын көлөмү 1,2 эсеге, ал эми тышкы капиталдын агымы 1,5 эсеге өскөн.

Инвестициялар негизинен төмөнкү тармактарга багытталган:

• Кен казуу тармагындагы объектилердин курулушу;
• Кайра иштетүү өнөр жайы;
• Транспорт жана логистика;
• Энергетикалык инфраструктура.

Инвестициялар боюнча улуттук агенттик мындай оң динамика инвесторлордун Кыргызстандын реалдуу секторуна жана инфраструктуралык долбоорлоруна болгон жогорку кызыгуусу сакталып жатканын көрсөтөрүн билдирди. Ошондой эле мекеме инвестициялык климатты жакшыртуу, укуктук-нормативдик базаны түзүү, инвесторлордун укуктарын коргоо жана долбоорлорду коштоо боюнча иштер улантыларын кошумчалады.