КР Саламаттык сактоо министрлиги 2025-жылдын 30-декабрынан 2026-жылдын 9-январына чейинки аралыкта медициналык жардамдын үзгүлтүксүздүгүн камсыздоо үчүн республиканын медициналык мекемелери иштөөнүн өзгөчө графигине өткөнүн билдирет.

2025-жылдын 30–31-декабры:
Бардык саламаттык сактоо уюмдары күчөтүлгөн тартипте иштейт. Медициналык кызматкерлердин кошумча нөөмөтү жана кызматтардын шашылыш жана кечиктирилгис жардам көрсөтүүгө толук даярдыгы каралган.

2026-жылдын 1–9-январы:

• Стационардык жардам: Кечиктирилгис жардам күнү-түнү көрсөтүлөт. Шашылыш жаткыруу (госпитализация) үчүн орундардын резерви даярдалып, дары-дармектердин, медициналык буюмдардын жана кан компоненттеринин зарыл кору түзүлдү.
• Амбулатордук деңгээл (ҮДБ, ҮДТ, ЖДПБ): Үй-бүлөлүк дарыгерлердин, медайымдардын жана кабылдамалардын (регистратура) саат 08:00дөн 18:00гө чейин нөөмөтү уюштурулду. Процедуралык кабинеттер саат 14:00гө чейин иштейт.
• Шашылыш кызматтар: Республика боюнча Тез жардам кызматы, санитардык авиация, ошондой эле санитардык-эпидемиологиялык кызматтын адистери жана лабораториялар дем алышсыз, күнү-түнү иштөөнү улантат.

Саламаттык сактоо министрлиги тутумдун медициналык жардамды толук көлөмдө көрсөтүүгө даяр экенин тастыктайт жана жарандарды зарыл болгон учурда тармактык саламаттык сактоо уюмдарына өз убагында кайрылууга чакырат.