2026-жылдын январында Бишкек тарыхта алгачкы ирет жаштар арасындагы дүйнөлүк хоккейдин борборуна айланат. Жаңы «Бишкек Аренада» 18-январдан 24-январга чейин 20 жашка чейинки оюнчулар арасындагы дүйнө чемпионаты (III B дивизиону) өтөт.

Чемпиондук наам жана жогорку дивизионго жолдомо алуу укугу үчүн алты улуттук курама: Кыргызстан, Мексика, Люксембург, Түштүк Африка, Иран жана Гонконг командалары күч сынашат.

Мелдештин кожоюндары — Кыргызстандын курама командасы алтын байге үчүн ат салышууну көздөөдө. Команда былтыр Таиландда өткөн ушундай эле турнирде күмүш медаль уткан ийгиликтүү тажрыйбасына таянат.