Россия-Кыргыз өнүктүрүү фонду (РКӨФ) 2025-жылдагы ишмердүүлүгүнүн жыйынтыгын чыгарды. Кыргызстандагы долбоорлорду каржылоонун жалпы көлөмү 1 миллиард АКШ долларына жетти.

Жыл жыйынтыгы боюнча фонд пландалган көрсөткүчтөрдү 30%га ашыгы менен аткарып, республиканын экономикасына 225 миллион доллар жумшады. Эсептик мезгилде жалпы суммасы 360 миллион доллардан ашкан 173 жаңы долбоор жактырылды. Мындан тышкары, 36 демилгени ишке ашыруу башталды, ал эми фонддун колдоосу менен 20 долбоор боюнча ишканалар пайдаланууга берилди.

2025-жылы фонддун инвестициялык ишмердүүлүгү беш артыкчылыктуу багытка топтолду:

• Жашыл энергетика: 16 долбоорго салынган каражаттын көлөмү 180 миллион доллардан ашты.
• Агроөнөр жай комплекси: жалпы суммасы 200 миллион долларды түзгөн 2000 долбоор каржыланды.
• Социалдык инфратүзүм: медицина жана билим берүү секторлорун өнүктүрүүгө 65 миллион доллар багытталды.
• Логистика: транспорттук хабды түзүүгө 23 миллион доллардан ашык каражат бөлүндү.