Мамлекеттик чек ара кызматында кадрдык өзгөрүүлөр болду. Президенттин басма сөз кызматынын маалыматында, Марат Маралбаев УКМКнын Чек ара кызматынын жетекчисинин биринчи орун басары – Башкы штабдын начальниги кызматынан бошотулду. Анын ордуна аталган кызматтарга Мирзамир Сыдыков дайындалды.

Ошондой эле Данияр Сатимов жана Мансур Исаков Мамлекеттик чек ара кызматынын төрагасынын орун басарлары болуп дайындалышты.

Тиешелүү тескемелерге өлкө башчы Садыр Жапаров кол койду.

Эске салсак, ушул жылдын февралында президент Садыр Жапаров кол койгон жарлыктын негизинде Чек ара кызматы Улуттук коопсуздук мамлекеттик комитетинин (УКМК) курамынан чыгарылып, Мамлекеттик чек ара кызматы болуп кайра түзүлгөн.