Балык өнөр жайы комплекси департаменти тарабынан Ысык-Көл жилингири (форель)балыгынын чабактарын көлгө куйган дарыяларга коё берилди.

Иш-чарага Тоң райондук мамлекеттик администрациясынын, Туристтик-экологиялык милициянын, Экологиялык техникалык көзөмөл кызматынын, Улуттук илимдер академиясынын Биология институтунун жана Ысык-Көл мамлекеттик коругунун өкүлдөрү катышты.

Көлдү балыктандыруу максатында жалпы 582 миң даана чабак төмөнкү дарыяларга коё берилди:

• Ак-Терек суусуна — 80 миң даана;
• Тоң суусуна — 150 миң даана;
• Кекилик суусуна — 50 миң даана;
• Тамга суусуна — 50 миң даана;
• Жети-Өгүз дарыясына — 50 миң даана;
• Каракол суусуна — 50 миң даана;
• Кара-Сууга — 32 миң даана;
• Жыргалаң дарыясына — 60 миң даана;
• Түп дарыясына — 60 миң даана.

Бул иш-чара балык ресурстарын калыбына келтирүү планынын алкагында жүзөгө ашырылды.